ضد الحكومة
ضد البلطجة والظلم
ضد الحكومة
ضد الحاكم ضد الحكم
ضد الحكومة وحبل الظلم طويل
ضد الحكومة وعندى ألف دليل
دمك مسيحينه
قتلك محللينه
وطنك مبهدلينه
دينك مستهدفينه
صوتك هما كاتمينه
حقك كمان واكلينه
واخوك لسة قاتلينه
وباقى الشعب طالع عينه
لو عشت تعيش هفية
لو مت مالكش دية
تتكلم تبقى ضحية
تتعامل بوحشية
سياسة بلطجية
شوية عصبجية
حكومة عدوانية
عايزة تنهش فيك وفيا
الظالم والمظلوم
الحاكم والمحكوم
لمين بس حاشكى وعلى مين انا هالوم؟
هالوم ع الشعب اللى بياخد باوسخ جزمة ولسة ساكت؟
ولا على حكومة سايقاها وقلوبها ماتت؟
فلتسقط الحكومة
فليسقط النظام
فليسقط القانون
فليسقط الحكام
فليسقط الجبان
فليسقط الخان
وليسقط الطيب لو طيبة حاتخليه يتهان
انا ضد الحكومة
ضد البلطجة والظلم
ضد الحكومة
ضد الحاكم ضد الحكم
ضد الخائن والجبان
ضد الحكومة
ضد اللي يقبل يتهان
كل من هب ودب دلوقتى عمال يهينك
ملكش قيمة ما لك شئ ثمن حكامك اصلا بايعينك
ومغفلينك
مستغفلينك
وفي احضان اعادئك بكل سهولة حادفينك
ماسكينك من ايديك اللي بتوجعك
حواليك الف ( 1000 ) افعى
وفي مقتل عماله تلدعك
مهما تتألم
ما فيش حد ناوي يسمعك
ماتساعد نفيك
ما تقولي وايه اللي يمنعك
يمنعك !!
لو حد زقك مستنى مين يجيبلك حقك
ماسكك و دقك بقى له 30 سنةبيدقك
عمال يسككو انت ساكت ومخيط بقك
و بسيفة يشقك وانت ميت و مموت مخك
كفاية نوم
كفاية موت
كفاية سكوت
لو عندك دم
لو عندك دم بجد اهتف و بأعلى صوت
انا ضد الحكومه لأن لي قيمه
أنا ضد الحكومة وصعب اقبل بالهزيمة
يسقط يسقط حكم العسكر
ردحذفالله الله جميله اوي و تحيا مصر و يحيا السيسي
ردحذف