الله حى شعبنا حى
الله حي شعبنا حي وسع سكه لبكره الجاي
ورد شبابنا المصرى البلدى و لا فى شبهه و لا له زي
قالوا شباب قاعدين فى كافيه
عفاريت طلعوا ولاد الايه
عارفين امتى و فين ما عليه
شايفين كل طريق للضى
من دمهم الغالى اتوضى
وطن الخوف و الموت و الرده
طلع الصبح و صلى و عدى
من لليل أمس لأجمل ضى
يااااااااااه
علي وطن اتهان و اتباع
ياااااااااااه
علي شعب اتعرى و جاع
سمسروا حتى فى الأوجاع
لحمنا كانوا بياكلوه نى
ايوووووووووووووب نبى
علشان كان صابر
شوووووووووووف المصرى
النبى و الصابر
يطغى عليه الطاغى
و قادر يفضل ثورى و وطنى و حي
التحرير كان أسم ميدان
اصبح للثوار عنوان
الشبان قلب الأوطان
هما الفرحه و هما الضى
يوم 25 يناير
هو تاريخ الشعب الثاير
رجعتونا لعزه ناصر
بعد الموت
الوطن اهو حي
ليست هناك تعليقات:
إرسال تعليق